Kiswahili Teacher’s Guide 3

Kitabu hiki cha Kiswahili cha Longhorn ni mwongozo wa mwalimu wa kidato cha tatu. Kitabu hiki cha mwongozo kimeandaliwa kama mkakati mpya wa kumwongoza mwalimu anapoelekeza wanafunzi katika masomo. Kitabu hiki kilipendekezwa na kukubaliwa na wizara ya elimu na michezo kwa matumizi katika shule za sekondari nchini Uganda ili kumwongoza mwalimu katika ufundishaji. Kinakidhi malengo na mahitaji yote ya mtaala mpya wa Kiswahili kwa shule za sekondari nchini Uganda. Kwa hiyo, mwalimu anafaa kukifuatilia kama mwongozo mwafaka wakati wa kutekeleza ufundishaji wa Kiswahili katika kidato cha tatu.

Mwongozo huu wa Kiswahili wa Longhorn kwa mwalimu wa kidato cha tatu una ufumbuzi wa kipekee kwa vile unamsaidia mwalimu kutekeleza na kuendeleza mfululizo wa mafunzo ya Kiswahili kwa matumizi ya mbinu zinazohusisha wanafunzi kushiriki kikamilifu katika mafunzo yanayotolewa darasani ipasavyo kwa: mafunzo yaliyopangwa kiutaratibu kuhusu dhana zinazohusika, maelezo mwafaka ya matini zilizounganishwa vyema kwa uelewa wa wanafunzi, shughuli kadha wa kadha za kufanywa ndani na nje ya darasa kuwasaidia wanafunzi kuwa na ari ya udadisi, matumizi ya vifaa vya kawaida vinavyojulikana kwa wanafunzi katika mazingira yao, mazoezi mwafaka yanayoandamana na mafunzo na shughuli jumlishi mwishoni mwa mada kuu husika pamoja na mkakati mwafaka wa kirafiki unaolenga wanafunzi kuwa washiriki katika mchakato wa kujifunza.

Longhorn imeandaa mwongozo huu wa mwalimu wa kidato cha tatu ili kumwezesha mwalimu kukuza umilisi wa wanafunzi wa kuelewa dhana madhubuti, kudadisi na kupata maarifa, na mahitaji yote ya mtaala mpya ili kuwe na matokeo bora ya silabasi ya Kiswahili kwa kidato cha tatu.

Wandishi wa kitabu hiki cha mwongozo wa mwalimu ni walimu hodari wa Kiswahili ambao wamefundisha Kiswahili darasani kwa miaka mingi. Uzoefu wao umechangia sana katika usanifu wa mwongozo huu wa kuridhisha.